Gouvènè eta Texas la, Greg Abbott ogmante mezi eta a pran pou anpeche migran antre Ozetazini. Politisyen Repibliken an ap anplwaye mezi legal sou fwontyè eta li pataje ak Meksik pou mete fil de fè ak lot gwo balon nan flèv Rio Gande a epitou li voye bouldozè al ratibwaze zile ki tou pre fwontyè a.
Abbott anplwaye taktik tankou deklare zon nan yon dezas natirèl, kom baz legal pou demach li yo.
Kounyea misye ap fè fas ak anpil kritik piman bouk ki soti toupatou - menm andedan eta Texas.
Yon polisye leta rakonte kijan yo refize bay migran yo dlo nan gwo chalè ki frape eta a, kijan fil de fè a blese kèk moun ki eseye travèse antre Ozetazini jis tan san yo koule.
Gouvenman Meksiken an, administrasyon Biden nan ak pwopriyetè teren nan zon nan pran pozisyon pou yo kontre gouvènè a.
