Pesonn pa konnen so enfimyè Amerikèn ak pitit fi li ke gang kidnape an Ayiti.
Depatman Deta a derefize di si kidnapè yo mande yon ranson pou liberasyon ni.
Plizyè santèn Ayisyen te pran lari kapital la Lendi pou pwoteste kont kidnaping nan, nan moman gang yo pèeske finn pran kontwol Potoprens nèt.
Alix Dorsainvil tap travay pou El Roi Ayiti, yon gwoup Kretyen ki pa dèyè benefis e ki preche levanjil. Se pandan li tap travay nan klinik gwoup sa a ke nèg ak zam te debake epi kidnape l ansanm ak pitit li.
Gen kèk manm kominote a ki di jounalis bandi yo mande yon ranson.
Lavèy anlèvman an, Depatman Deta te konseye Ameriken pou yo evite vwayaje an Ayiti akoz ensekirite a kap ogmante pi plis chak jou.
