Yon ansyen ofisye ransèyman Aviyasyon Etazini temwaye devan Kongrè a ke Lèzetazini ap kache yon pwogram ki egziste depi lontan, kote yo trape epi retro-enjenye objè volan yo.
Anpil moun tap tann temwayaj Majo retrete David Grusch Mèkredi, devan Komisyon Lachanm dè Reprezantan ki siveye ajans gouvènman yo. Sijè "fenomen ayeryen non-idantifye" ki se deskripsyon ofisyèl gouvènman an sèvi olye de OVNI.
Pantagon nan rejte deklarasyon Grusch yo e li demanti lap kache yon pwogram konsa.
Tandiske etid OVNI yo konn soule blag sou ekstraterès ak "ti mesye koulè vèt", Demokrat ak Repibliken pandan ane ki pase yo pouse gouvenman an pou l fè plis rechèch sou fenomèn nan antanke kestyon ki gen rapo ak sekirite nasyonal.
