Otorite Ameriken yo pa bay anpil detay sou 4 obje yo tire e desann sou Amerik di No a sa pa gen lontan. Kidonk moun ap lanse teyori konplo epi spekile sou kisa obje sa yo ye.
Gen yon deklarasyon ki popile kap sikile sou rezo sosyal yo - san okenn prev - ki di Etazini te deplwaye kek aparey nan syel la pou kraponnen epi distre pep Ameriken an.
Met sou sa, moun ap chache kou loko sou entenet la "OVNI" Obje volan non-idantifye. Gen kek moun ki sigjere obje avyon yo desann yo sete aparey ki soti nan yon lot planet.
Responsab yo di yo sispek premye obje a sete yon balon siveyans Chinwa. Sepandan yo pa bay okenn detay sou ki kote 3 lot obje yo desann te soti ni ki objektif yo tap pousuiv.
Sa lakoz anpil pale anpil sou entenet la.
