Donald Trump pral konparèt devan tribinal federal Miami jodi Madi a, kote lap fè fas ak 37 chèf akizasyon ki gen rapo ak move jestyon dokiman sekrè lakay li nan Mar-a-Lago.
Trump supoze rann tèt li bay otorite federal yo anvan odisyon ki pwograme pou 3zè nan apremidi.
Li pral konparèt ansanm ak valè li Walt Nauta, ke lajistis akize tou.
Pa tankou odisyon Trump nan vil Nouyok, pap gen okenn foto ki soti andedan tribinal la paske kamera entèdi.
Trump ak Nauta ta sipoze plede non-koupab, e tou le 2 pati yo pral diskite nempot ki kondisyon ki ta egziste pou libète sou kosyon. Li posib pou jij la mande ansyen prezidan an pou l remèt paspo li ba li.
