Donald Trump fè konnen lajistis asiyen li an koneksyon ak move jestyon dokiman sekrè li te genyen lakay li nan Florid.
Devlopman remakab sa a fè misye tounen premye ansyen prezidan Etazini nan listwa ki fè fas ak akizasyon kriminèl bo kote gouvènman federal li te sipèvize a.
Akizasyon an gen konsekans legal grav, pami yo posibilite pou Trump pran prizon si yon tribinal jwen ni koupab.
Epitou, li gen gwo enplikasyon politik, o fèt sa taka gate plan politisyen Repibliken an genyen pou l postile pou prezidans la an 2024. Pou kounyea, se Trump ki dominen kous preliminè a.
Anons akizasyon an pare chimen an pou yon pwosè sansasyonèl ki pral santre sou akizasyon kom kwa misye te fè ekspre vyole lwa peyi Etazini, lèl te sere enfomasyon sekrè ki gen rapo ak sekirite nasyonal Etazini lakay li.
Depatman Jistis la poko konfime nouvèl la piblikman.
