Ex-Prezidan Donald Trump repete mansonj sou eleksyon 2020 an pandan yon rankont Town Hall rezo CNN te difize ki te chaje ak tansyon.
Misye pa mete anpil enpotans non plis tou nan zak vyolans ki te dewoule 6 Janvye 2021, kote patizan li yo te atake syèj Kongrè a epi li repete ensult kont dam ke yon juri sivil nan vil Nouyok te akode $5 milyon dedomajman apre yo te jwenn Trump koupab de abi seksyèl ak difamasyon dam nan.
Pandan rankont la, ki te chaje ak tansyon Mekredi swa, e ki dewoule nan eta New Hampshire kote pral gen eleksyon primè ane pwochèn, Trump te derefuze di si li vle pou Ikrèn ranpote lagè kont agresyon Larisi. Li di tou Etazini ta dwe vag sou obligasyon dèt li, malgre ke se yon bagay ki taka devaste ekonomi Etazini.
Ansyen prezidan an te jwenn akolad bo kote yon odyans ki te chaje ak Repibliken epi elektè ki pa manm ni pati Repibliken, ni pati Demokrat la.
