Repibliken ak Demokrat nan Lachanm Depite apwouve Mekredi swa pwojè lwa sou plafon det ak bidjè nasyonal la.
Repibliken Kevin McCarthy se Lidè Chanm Depite a:
"Aswè a nou fè listwa paske sa se pi gwo koupu nan depans leta ki janm apwouve. E pwojè sa a pral tounen yon lwa. Koupu yo egal 2,1 trilyon dola."
Prezidan Joe Biden eksprime kontantman li:
"Mwen kwe tout bagay ap pwogrese jan nou te planifye l -- Bondye mèsi. "
Kounyea balon an nan pye Sena a, ki gen pou apwouve l tou.
Prezidan Joe Biden negosye ak Lidè Lachanm, Kevin McCarthy pou jwen yon antant epi evite yon kriz kote Etazini pap ka repeye dèt li. Yo te travay ansanm pou reyuni yon kowlisyon Demokrat santris ak Repibliken pou atenn viktwa a.
Yon jefo bi-patizan parey pral nesesè nan Sena a pou kontre kare senatè ki opoze lwa a.
Etazini tap fè fas ak yon dezas potansyèl nan mwenske yon semèn si Kongrè a pat aji.
Malgre Repibliken zèl dwat yo eksprime yo desi anpil kekoupi bidjetè yo pa ale lwen ase, ni Repibliken ni Demokrat nan Lachanm te apwouve l.
Obsevatè yo atann yo aske Sena a pase a l aksyon rapidman nan fen semèn nan.
Kèk enfomasyon pou repotaj sa a soti nan Associated Press
