Migran Venezyelyen yo ranplase Ayisyen nan mwad Janvye kòm prensipal gwoup kap sèvi ak pasaj danjre notwa Darien nan pou travèse soti Amerik di Sid pou y'al Panama.
An 2021, Ayisyen yo te reprezante prèske 80% yon total 130,000 migran ki tap travèse rak bwa sila a.
Sepandan responsab sekirite ak relasyon etranje yo di Madi ke nan mwad Janvye a, plis pase mwatye nan 4,702 migran ki te travèse Darien nan sete Venezyelyen.
Bilan sa a pou mwa a reprezante yon bès moun kap travèse Enpas Darien nan konpare ak sa yo te anrejistre an 2021.
Direkte sèvis nasyonal frontyè Panama a di kan migran Lajas Blancas la ki te konn chaje ak migran e ki sitye tou pre Darien, vid kounyea.
