Otorite Federal ameriken yo di yo arete 17 Dominiken apre bato yo te chavire tou pre kòt nòdwes Pòto Riko anvan Solèy la te leve. Gad kòt ap chache 10 lòt moun ki disparet.
Pòtpawòl La Dwan ak Gad Frontyè a, Jeffrey Quinones di Associated Press ke moun yo arete Vandredi yo fe konnen te gen 27 moun abò bato a anvan li te chavire tou pre Shacks Beach nan Isabela. Li ajoute pa gen okenn endikasyon moun ki disparet yo neye.
Gad Kòt Ameriken di AP bato a te chavire ak yon distans 69 met ak plaj la.
