Gouvènman Ameriken an lanse yon ankèt kriminèl sou yon rezo kontrebann ki tap opere yon bato ki koule nan lanmè tou pre kòt eta Florid ak 40 migran abò li.
Gad Kòt deklare Mekredi gen yon moun ki soti vivan e li jwenn yon kadav pandan li kontinye ap chache 38 lot migran.
Depatman Envestigasyon nan Sekirite Nasyonal Etazini di li sispèk se yon rezo kontrebann ki responsab vwayaj bato sa . Bato a koule Samdi, yon ti tan apre li kite Bahamas, men se Madi sèlman yo jwenn ni.
Otorite Ameriken yo pa di nan ki peyi migran yo soti men Bahamas se youn nan peyi kote moun ka kouri kite Kiba ak Ayiti konn fè eskal anvan yo pran chimen Etazini.
