Ann Ayiti reyaksyon kontinye tonbe sou le fèt ke lapolis ak lajistis peyi a kite 7 etranje pran avyon pou Lèzetazini alòske otorite yo te arete yo poutèt yo te jwenn zam otomatik nan machin yo, machin ki t ap sikile san plak imatrikilasyon. Reyaksyon yo konsantre plis sou antant ki sanble pase ant gouvènman Moise-Céant an avèk gouvènman ameriken pou 7 moun yo kite tèritwa ayisyen an san pase devan yon jij.
Yon lot aspè dosye a ki pwovoke anpil kesyon, se deklarasyon ki fèt nan nivo prezidans la ak primati a ki di kòmkwa ni Chèf Deta a, Jovenel Moise, ni Chèf Gouvènman an, Jean Henry Céant, pa okouran fason etranje yo fè kite peyi a. Korespondan nou nan Pòtoprens, Renan Toussaint, anrejistre pou nou reyaksyon Senatè Youri Latortue, prezidan Komisyon Etik ak Anti-koripsyon nan Gran Kò a.
Your browser doesn’t support HTML5
Senatè Youri Latortue ap Reyaji sou Depa 7 Etranje yo,