Vedet R&B nwa ameriken R. Kelly takapab pase plizye dizen lane nan prizon apre yon jij nan yon tribunal federal nan Nouyok jwenn ni koupab de raket ak trafik seksyel.
Yon juri jwenn vedet la koupab Lendi apre yon pwose kote plizye moun te temwaye ke li te fe yo komet move zak le yo te timoun. Yo akize Kelly deske li tap dirije yon antrepriz kriminel ki te gen katye jeneral li nan Chicago e ki rekrute jen fi ke li te egzije komet zak seksyel epi kraponnen yo.
Jij la va pwononse santans misye 14 Me. Li plede non koupab a yon lot chef d'akizasyon ki gen rapo ak zak seksyel ilegal nan eta Illinwa ak Minnesota. Yo poko fikse dat pou pwose sa yo.