Yon jounalis ki pale espayòl e ki t ap fè fas ak depòtasyon depi yo te arete l pandan li t ap fè repòtaj sou yon mnifestasyon konsènan imigrasyon nan Eta Tennesse, Ozetazini, jwenn azil nan peyi a, dapre sa avoka l ye di jedi.
Nan yon konvèsasyon telefonik avoka Manuel Durán te genyen avk The Associated Press, li di yon tribinal imigrasyon nan Memphis ba li azil, 4 tran apre lapolis te arete l pandan li t ap fè travay jounalis li pou yon ògàn laprès ki travay ann espayòl. Durán, ki gen 46 zan, ajoute:
“Mwen kontan anpil pou viktwa sa a apre tèlman lontan nou te pase ap goumen pou yon solisyon. Emosyon fin anvayi m. Fanmi m ap selebre avèk mwen. Nou pa t panse sa t ap fini konsa, paske sete yon ka trè difisil.”
Asosyasyon Nasyonal Jounalis Ispanofòn yo, Repòtè San Fwontyè, Editè Associated Press ak kèk lòt gwoup te pote plent nan tribinal pou yo te defann koz Manuel Durán nan.