Yemen, 2 pati kap patisipe nan chita tande lapè Nasyon Zini patwone a rejte yon propozisyon inisyal pou mete fen nan batay kap fèt nan vil Hodeida ki bay sou lanmè e ki enpotan anpil.
Nouvèl yo rapote kowalisyon Arabi Saoudit ap dirije a ta mete ba lèzam aloske rebèl Houthi yo ke Iran apiye e ki kontwole vil la tap bat retrèt yo. Apre sa, yon administrasyon Nasyon Zini ta pran kontwol vil la tanporèman.
Preske tout manje ak asistans imanitè pase pa vil Hodeida e batay la anpeche livrezon yo fèt. Malgre yo rejte propozisyon inisyal la, anvwaye Nasyon Zini Martin Griffiths ki tap obsève chita tande yo di se selman yon premye dokiman e yo toujou revize mòd propozisyon sa yo.