Sekretè deta Etazini an, Mike Pompeo, fè 4èm vizit li nan Pyongyang dimanch 7 oktob 2018 la. Pandan vwayaj sa a ki dire yon jounen nan Kore di Nò, chèf diplomasi amerikèn nan di lidè nò koreyen an Kim Jong Un aksepte pou aranjman fèt pou gen yon dezyèm somè ant li menm ak Prezidan Donald Trump pi vit posib.
Mesye Pompeo kalifye chita tande li te genyen avek msye Kim nan kòm yon tèt a tèt pwodiktiv e yon lòt pa an avan pou denikleyarizasyon prèskil Kore a. Sepandan ekspè yo pa gen tout konfyans sa a.