Pòt pawòl Lamezonblanch la Karine Jean-Pierre teste pozitiv pou COVID-19 apre li tounen Ozetazini soti ann Ewòp kote li tap vwayaje ak Prezidan Joe Biden.
Jean-Pierre se dènye pami yon sri anplwaye Lamezonblanch ki teste positif pou kowonaviris la malgre tout pwoteksyon ki genyen ozalantou prezidan an ki gen 79 an.
Ayisyèn Amerikèn nan, ki se prensipal pot pawol adjwen administrasyon an deklare Dimanch ke dènye fwa li te wè Biden sete "pandan yon rankont kote tout moun te respekte distans sosyal" Samdi.
Pwiske li konplètman vaksinen kont kowonaviris la, yo pa konsidere Biden tankou yon "kontak pwoch" selon règleman Sant Kontwol ak Prevansyon Maladi a, CDC.
Jean-Pierre te vwayaje nan Bèljik ak Poloy ak Prezidan Biden apre sekretè de près Jen Psaki te teste pozitiv pou viris la semèn pase a.