Prezidan Kiben an, Miguel Diaz-Canel, rive Vatikan pou l rankontre Pap Franswa. Arive prezidan an nan peyi Itali fè pati premye vwayaj li ap fè sou kontinan Ewopeyen kote li gen pou li rankontre ak lidè Italyen, Fransè ak Sèb yo.
Gen kèk manifestan ki te rasanble devan Vatikan an pou denonse rejim Kiben an epi mande respè dwa moun ak liberasyon prizonye politik yo nan Kiba.
Manifestan yo te gen drapo e yo tap lanse slogan kont Prezidan Kiben an.
Te gen plizyè pannkat ki te mande respè pou dwa moun ak pou lage prizonye politik yo nan Kiba.