Lavrov te rankontre ak Minis Afè Etranjè Kiben Bruno Rodriguez nan Lahavàn pou ankouraje koperasyon ak zanmitay ant 2 peyi yo.
Lavrov gen pou rankontre ak Prezidan Kiben an Miguel Diaz-Canel nan Lahavàn nan apremidi Jedi.
Minis Etranje Larisi a te vizite byen bonè nan semèn nan Brezil, Venezyela, ak Nikaragwa.
Larisi, ki anba sanksyon peyi nan Lwès yo akoz lagè a nan Ikrèn, ap chèche ranfòse koneksyon politik ak ekonomik ak lòt peyi ki kont sa li rele efò Etazini ki ap chache domine tout peyi nan mond la.
Kiba, ki anba anbago ekonomik Etazini depi yon ti tan apre revolisyon Fidel Castro an 1959 la, te repete plizyè fwa sipò pou Larisi nan Ikrèn e pou yon solisyon diplomatik pou kriz la.
Nan jou anvan Larisi te anvayi Ikrèn nan, li te dakò pou Kiba kanpe sou peman dèt li jiska 2027.
Larisi te fè Kiba yon don ann ijans nan mwa Fevriye a, ki se 25,000 tòn ble pou konbat rate ble nan zile a, epi li te bay plizyè chajman gaz pou ede peyi a travèse yon kriz petwòl.
