Washington —
Premyè dam Jill Biden teste pozitif anko pou COVID-19 nan sak sanble yon rechut, apre li teste negatif pandan wikèn nan.
Prezidan Joe Biden, ki te pase 3 jou ak madanm ni nan kay yo genyen sou plaj Rehoboth nan eta Delaware, kontinye teste negatif limenm, dapre Lamezonblanch.
Prezidan an te fè yon rechut tou pi bonè mwa sa a, apre li te fèk geri. Lamezonblanch di yo konsidere prezidan an tankou yon kontak pwoch, e ke li pral mete mask "pandan 10 jou lè li andedan palè prezidansyèl la epi pre moun," ki sa sa CDC a konseye pou fè.
Lamezonblanch di yo pral teste prezidan an pi souvan pou COVID-19 kounyea.