Pitit fi lidè Kore di Nò a, Kim Jong Un fè yon lòt parèt an piblik ankò. Fwa sa a li te kanpe bò kote papa li devan savan ki travay sou misil peyi a lanse yo. Yon lòt fwa ankò laprès Kore di Nò sevi ak pawol tankou "pitit pi cheri a" ak "prezyez" pou dekri li.
Piti fi Kim nan gen sèlman 10 zan, men nouvo foto ki pibiye Dimanch yo sou medya leta yo soulve yon gwo deba pa rapò ak si wi ou non Kim ap pare li kòm siksesè li.
Lide Kore di No Kim Jong Un ak pitit fi li fe foto ak savan, enjenye ak responsab milite ki te travay sou ese nouvo misil Hwasong-17 enekontinantal la (ICBM) nan foto sa a ke ajans nouvel Kore di No a pataje ak lapres.
Li te poze pou foto ak savan ak lot responsab ki patisipe nan sa lapres nò koreyèn dekri tankou lansman misil balistik entèkontinantal Hwasong-17 la pi bone mwa sa a.
Sèvis espyonaj Kore di Sid la deklare semèn pase a, li se dezyèm pitit fi Kim nan Ju Ae ki gen apepre 10 zan.