Sena ayisyen an voye rapò sou depans gouvènman pase yo nan Fon Petwo Karibe a devan Kou Siperyè dè kont ak Kontansye Administratif. Nouvèl ki soti ann Ayiti fè konnen Sena a pran desizyon sa a jedi swa 1e fevriye 2018 la san ke tout palmantè yo pat prezan.
Nan yon seyans ki te fèt avan sa a, swa 31 janvye 2018, kote palmantè yo te pase tout yon nwit ap fè deba sou dosye a. Men anvan jou, yo te ranvwaye seyans la pou madi 6 fevriye aprè Senatè Jean Marie Salomon ak kèk kòlèg li nan minorite a te deside abandone sal la.
Avan lotan, Lavwadlamerik ak vin ak analiz yon ekspè nan dwa konstitisyonèl pou ede oditè li yo konprann dosye sa a pi byen.