Open Ostralyen an derape san nimewo 1 tenis mondyal la, Novak Djokovic. Apre tout pale anpil ki te genyen pa rapò ak stati vaksinasyon COVID misye, tout moun ka konsantre sou tenis kounyea.
Naomi Osaka louvri tounwa a, kote lap defan tit chanpyon li ak yon viktwa sou Camila Osorio -kote li ranpòte tout sèt yo.
Rafael Nadal se sèl ansyen chanpyon kap fe konpetisyon nan domen maskilen an apre Djokovic oblije rale kò li. Nadal ranpò te la viktwa nan premye match li, ki mete'l nan yon bon pozisyon pou'l ranpote 21e tit chanpyon nan match senp maskilen an.
Djokovic limenm pran wout peyi natif natal li, apre li pedi yon pwose nan Ostrali dimanch, kote li te mande pou yo remèt li viza yo te anile a pou li ka rete nan peyi a pou jwe. Ostrali te anize viza a paske yo di li pa vaksinen kont COVID-19.