Pot pawol Mezon Blanch la demanti bwi k'ap kouri ann Ayiti pou di kom kwa Letazuni ta peye gouvenmen Ariel Henry a pou aksepte migray Ayisyen li depote depi frontye li ak Meksik.
"Se pa vre," Jen Psaki di VOA. "Byen antandu gen yon paket asistans umanite n'ap bay (Ayiti) mwen pa konnen si se de sa wap pale. E nou pral kontinye apiye lide Ayisyen yo - e nan asistans sa a genyen asistans umanite, epi asistans pou sekirite."
Pot pawol la ajoute Etazuni gen yon prezans diplomatik djanm ann Ayiti.
"Anbasade nou chaje eksperyans e lap dirije jefo sa a," Madan Psaki deklare.
Sepandan, yon pot pawol Depatman d'Eta, ki tap reponn menm kestyon an ke VOA Kreyol poze, fe konnen Etazuni bay USAID (Ajans Etazuni Pou Devlopman Entenasyonal) $5.5 milyon pou ede OIM (Oganizasyon Entenasyonal Migrasyon an) jere retou migran Ayisyen yo.
"USAID ap administre lajan sa a ki apiye jefo OIM ap fe pou bay migran Ayisyen k'ap tounen Potoprens ak Kap Ayisyen yo sevis akey esansyel. Nan asistans sa a gen premye swen, asistans medikal, akomodasyon, pwoteksyon pou moun ki pi vulnerab yo, asistans psikolojik ak konsey, manje, bwason, kit ijen ak lot sipo esansyel," pot pawol la deklare. "Nou pran angajman pou'n kontinye dispoze asistans ki apiye e kore stabilite, rezilyans, sante ak sekirite pep Ayisyen an."
Premye Minis Henry bo kote pa'l pibliye yon mesaj atrave kont Twitter Primature la, kote li demanti rume a tou, epi presize ki kalite asistans Etazuni ap bay pou migran Ayisyen li depote yo.
Nan yon entevyou ak VOA Kreyol Madi, Giuseppe Loprete, Chef Misyon OIM ann Ayiti te di nou ke apati Madi 28 Septanm nan, OIM te ogmante kantite lajan li bay migran yo.
"Nou ofri yo lajan kash - apepre $120 Ameriken - nou tap bay $100 anvan sa men apati jodia nap ba yo $120," Misye Loprete fe konnen. "Nou ogmante som nan pou nou ka ede yo owmens pase premye jou yo ann Ayiti pi byen. Nou konstate anpil fanmi ki gen timoun donk lajan kach sa a ede yo. Li ka pa ede yo rekomanse vi yo, men omwens le yo rive sa ede yo ache pwodui premye nesesite yo."
Your browser doesn’t support HTML5
OIM di Ensekirite Poze Gwo Pwoblem pou Migran Etazuni Depote ann Ayiti yo
Pa rapo ak akomodasyon Depatman D'Eta mansyone a, Misye Loprete te bay presizyon sou sa.
"Pa egzanp, youn nan bagay ke nou fe pou ede migran yo - de pwospektif OIM se - nou di otorite yo pran prekosyon nou paka rete nan ayeropo a apre 6 ze - e menm sa two ta," Misye Loprete esplike. "Migran yo paka ap debake nan ayeropo a a 7,8,9 he du swa. Si sa rive e yo nan zon sa yo - yo paka deplase. Le sa rive, nou konn mennen yo nan otel kote yo pase nuit la epi nou tounen chache yo nan maten, nou ba yo lajan epi yo al fe wout yo. Donk nou pa bayo lajan kach nan nuit pou evite ekspoze yo a danje."
Polisye eseye bloke yon moun Etazuni depote pandan l'ap eseye mone nan menm avyon an pou retounen Ozetazuni, Madi 21 Sept. 2021.
Lezetazuni deja depote yon afe de 4,000 migran Ayisyen ke li arete sou frontye eta Texas ak peyi Meksik. Jodia peyi Meksik voye tounen kek migran Ayisyen tou.
Korespondan VOA nan Mezon Blanch Anita Powell, ak korespondan VOA nan Depatman D'Eta Nike Ching kontribye a repotaj sa a.