WASHINGTON, DC —
Lèzetazini promèt plis pase 10 milya dola asistans ak envestisman pou Amerik Santral la ak Meksik nan kad efò k ap fèt pou mete yon fren nan migrasyon ilegal. Apepre 6 milya dola nan lajan sa a pral jwenn peyi Salvadò, Guatemala ak Ondiras tandiske yon lòt sòm 4 milya 800 milyon dola pral sèvi pou egzekite plizyè pwojè devlopman nan pati sid Meksik.
Depatman Deta fè konnen Lèzetazini pran angajman pou li ede Amerik Santral la tounen yon rejyon k ap fè pwogrè e ki san danje. Pou sa Lèzetazini pare pou l ranfòse sekirite, bòn gouvènans ak pwosperite ekonomik nan rejyon an; sa ki ka kreye pi bon opòtinite ak avantaj pou pèp santwo-ameriken yo.