Depatman Sekirite Enteryè ameriken an pwopoze keyasyon yon nouvo komisyon kowòdinasyon ki pral konsantre atansyon l sou efò pou kontrekare dezenfòmasyon. Komisyon sa a ap fè fas ak yon bon jan opozisyon bò kote manm Kongrè a. Kèk nan palmantè yo kritike li kòmkwa li se yon “Gran Komisyon Dezenfòmasyon” ki reprezante yon menas pou libète lapawòl.
Responsab yo te anonse kreyasoyn komisyon sa a san twòp bri semèn pase a, e preske imedyatman sa te pwovoke yon kèk reyaksyon dyanm bò kote manm Kongrè a, sitou Repibliken yo, ki akize ajans la dèske l ap eseye konbat libète lapawòl. Repibliken sa yo, ki gen nan tèt yo Depite James Comer, manm Komisyon Sipèvizyon ak Refòm nan Chanm Bas la, atake nouvo komite a nan yon lèt kote yo di:
“Kreyasyon Gran Komisyon Dezenfòmasyon sa a” sanble pral fè plis dega pase abi Administrasyon an komèt sou kontribyab yo avèk pouvwa gouvènman federal la itilize pou l atake Ameriken ki pa dakò ak politik li yo, pou l akize yo deske yo se ektremis e moun k ap fè tout kalite dezenfòmasyon.”