Entèdiksyon kont avotman ki te an plas nan kèk eta Ameriken sizoka Kou Siprèm nan te ranvèse desizyon Roe v. Wasde la antre otomatikman ann aplikasyon. Pandsetan, klinik nan eta tankou Alabama, Texas ak Vijini de Lwès sispann fè avòtman paske yo pè pou leta pa pini yo. Mezi sa a te lakoz plizyè fanm ki dezole kite klinik sa yo pandan yap kriye.
Ameriken te vekse, kontan, gen kè sote epi pa konptann ditou apre Kou Siprèm nan te anonse li ranvèse desizyon Roe v. Wade la Vandredi.
Gwo divizyon ki egziste Ozetazini sou dwa pou moun fè avòtman te vinn pi vizib toujou, tandiske militan kap defann dwa medam yo pou fè avòtman te deklare se yon jounen sonb nan listwa Etazini. Militan ki opoze avòtman yomenm te bat bravo ak kè kontan e yo di desizyon tribinal la se repons lapriyè yo.
Enfomasyon pou repotaj sa a soti nan Associated Press