Kore di Nò pibliye foto pitit fi lidè peyi a, Kim Jong Un, kote yo kanpe nan lye kote lansman misil yo ap fèt la.
Foto sa yo atire anpil atansyon sou fanmi an, ki fè pati yon dinasti kap dirije Kore di Nò depi plis pase 70 lane.
Medya leta Kore di Nò deklare Samdi Kim te obsève lansman nouvo tip misil balistik entè-kontinantal yo ak madanm ni Ri Sol Ju epi "pitit fi cheri yo a."
Dapre nouvèl yo, Kim gen 3 pitit.
Kiyès pitit Kim yo ye se yon sous gwo enterè pou moun ki pa viv Kore di Nò, paske dirijan an, ki gen 38 an poko anonse piblikman kiyès ki pwal eritye pouvwa a.