John Kirby, ki se pòtpawòl pou Konsèy Sekirite Nasyonal Mezon Blanch lan, pandan yo tap diskite sou nouvo lansman misil ke Kore di Nò Mèkredi, ki ogmante tansyon sou preskil Koreyen an, fè konnen Pyongyang "voye èd an kachèt bay Larisi pou itilize nan lagè a kont Ikrèn".
Dapre Kirby gen yon "kantite enpòtan" boulèt kannon ke Kore di Nò voye bay Larisi, e yap kache sa kòmkwa yo pretann se " nan peyi Mwayen Oryan an oswa sou kontinan Afriken an yap voye zam sa yo".
Pòtpawòl la te klarifye pandan yon entèvyou ak laprès ke kounye a, Washington ap eseye chèche konnen si èd militè Kore di Nò sa a vrèman rive jwenn twoup Ris yo.
