SAN FRANCISCO —
Yon djèt militè transpòte kadav Senatè eta Kalifòni Dianne Feinstein tounen nan vil natal li, San Francisco.
Senatè a, ki te reprezante eta a pandan lontan epi kraze baryè pou fanm yo, mouri Jedi lakay li nan Washington apre yon seri maladi.
A laj de 90 zan, li te manm Kongrè a ki pi aje.
Piblik la patka wè kadav la kap tounen Kalifòni. Poko gen okenn detay sou fineray li.
Feinstein se ansyen majistra vil San Francisco e li te defann ak pasyon priyorite ki te enpòtan pou eta a. Pami yo te gen pwoteksyon anvironman an, ak pwoteksyon pou medam yo fè pitit.
Prezidan Joe Biden, ki te sèvi nan Sena a ak Feinstein, deklare li se yon "piyonyè Amerikèn" ak yon "zanmi li te renmen anpil."