Ansyen Premye Minis Laurent Salvador Lamothe rejte rapò komisyon Sena a ki idantifye l kòm youn pami ansyen responsab gouvènmantal ki ta mal jere fon lajan Petro Karibe a.
Ansyen Premye Minis la, ki te rankontre laprès madi 28 novanm nan,presize komisyon senatoryal la itilize rapò a pou l ekate sou sèn politik la sitwayen ki ta vle sèvi peyi yo.
Msye Lamothe di gen ajans nan leta a, tankou Inite Lit Kont Koripsyon ki la pou fè travay komisyon an ap fè a. Plizyè ansyen gwo fonksyonè leta, rapò a sible, rejte akizasyon yo lage sou do yo a.