Ayiti

Dominikani Arete Jaar 'Sou Enstriksyon Etazini' yon Responsab di AP

  • Ekip Sèvis Kreyòl VOA

Yon moun kenbe yon foto defen Prezidan Ayisyen Jovenel Moise pandan yon seremoni nan mize Panteyon Nasyonal la nan Potoprens, 20 Jiye, 2021.

Otorite Repiblik Dominikènn konfime pou Associated Press ke yo arete yon sispèk kle nan asasina Prezidan Ayisyen Jovenel Moise gras ak asistans Etazini.

Yon responsab ki pat gen pèmisyon pou'l pale piblikman sou dosye a di AP Lendi, ke yap trete Rodolphe Jaar tankou yon prizonye Ameriken e ke yo te arete'l dapre enstriksyon otorite Ameriken.

VOA Kreyol te mande FBI si'l te ka konfime nouvel sa pou nou. Yon responsab te di nou yo pa vle fè okenn komantè sou sa, paske ankèt sou asasina Prezidan Moise la ap pousuiv.

SEE ALSO: Rodolphe Jaar, Yon Lòt Sispèk nan Asasina Jovenel Moise la Anba Kòd

Responsab ki pale ak AP deklare yo te arete Jaar Vandredi nan moman li tap chache antre nan Repiblik Dominikèn. Yo poko akize li ofisyèlman. Li pa klè si Jaar gen yon avoka oubyen si yo va ekstrade li nan yon lot peyi.

VOA Kreyol te poze FBI kestyon sou yon posib ekstradisyon li. Yo pat vle fe komantè sou sa.

Yon pati nan enfomasyon pou repotaj sa a soti nan Associated Press