Yon Oganizasyon Diaspora nan vil Washington oganize yon rankont ak ekspe Ayisyen e etranje pou diskite sou rekonstruksyon kay ak bilding ki detwi nan tranbleman te 14 Out la.
Haitian Diaspora Emergency Response Unit, yon oganizasyon diaspora Ayisyen ki espesyalize nan repons rapid nan ka d'ujans oganize rakont virtuel sa a sou Zoom, kote manm diaspora a toupatou Ozetazuni te gen opotunite tande sakap fet pou rekonstwi batiman ki kraze nan tranbleman te a - epi poze kestyon.
Yvon Buissereth, se direkte jeneral antrepriz publik pwomosyon lojman sosyo. Diaspora a mande'l si Ayiti ap dako pou kite yo bay opinyon yo, konsey yo epi patisipe nan pwosesus rekonstruksyon an.
" Nous savons l'importance de la diaspora et la contribution que la diaspora apporte. C'est avec coeur ouvert deux bras, nous attendons la diaspora," Buissereth deklare.
Enjenye Japone Ameriken Dokte Kit Miyamoto ki se yon ekspe nan konsruksyon nan zon kote ki gen tranbleman te, se ekspe patisipan yo te poze plis kestyon. Misye ann Ayiti aktyelman.
Li di youn nan bagay li konstate pandan vwayaj li nan sid Ayiti se bote peyi a. Se yon bote enkwayab. Mwen te kwe kek nan tablo Ayisyen mwen te konn we te soti nan imajinasyon moun yo. Mwen reyalize se reyalite a - yon bote enkwayab. Se tout sa'm ka di.
Enjenye Miyamoto di li te trez enpresyone tou pa kek bos mason Ayisyen li te rakontre nan Potoprens ak Okay.
Nan repotaj Vandredi a, nou va diskite sou kek ide enjenye Miyamoto prezante pa rapo ak rekonstruksyon kay yo, epitou kek ide dyaspora a genyen pou ede Ayiti.