WASHINGTON —
Prezidan Joe Biden ap mete fen nan izolman li apre li teste negativ pou kowonaviris la Madi swa, e anko Mekredi maten.
Se sa dokte Biden fè konnen nan yon lèt li pibliye.
Dokte Kevin O'Connor ekri pou di prezidan an konplete tretman li ak medikaman Paxlovid la e ke li pa gen lafyèv anko. O'Connor ajoute akoz fè sa yo, epi 2 tès negativ, Biden pral mete fen nan izolman sevè li a.
Prezidan Joe Biden rive nan Jaden Woz Lamezonblanch la pou pwononse yon diskou, Mekredi 27 Jiye, 2022.
Vreman vre, Prezidan Biden fè yon parèt nan Jaden Woz Lamezonblanch la a midi Mèkredi, e li remèsye doktè li sou Twitter.
Prezidan Biden, ki gen 79 an, teste pozitiv pou COVID-19, semèn pase a.