WASHINGTON —
Prezidan Joe Biden pase lod pou mete yon milyon barik petwol pa sou ki soti nan rezèv estratejik petwol Etazini sou mache a pandan 6 mwa pou kontwole pri enèji yo.
Biden deklare pèsonn pa konnen konbyen pri gaz la ka ese akoz mezi sa a men li sigjere se ka "ant 10 santim ak 35 santim pa galon".
Pri gazolin nan Ozetazini se apepre $4.23 pa galon, konpare ak $2.87 li tap vann ane pase a dapre AAA (Asosyasyon Otomobilye Ameriken).
Pri yo ogmante anpil Ozetazini apre peyi a ak alye li yo te enpoze sanksyon sevè kont La Risi poutèt envazyon li fè nan Ikrèn nan.
Biden lanse yon pinga tou bay konpayi petwòl ke li di pi konsantre sou fè pwofi e ki pa mete plis barik petwòl sou mache a.