Dannmark avanse nan gwoup dè 16 la, nan Mondyal Foutbòl Feminen an pou premye fwa depi 1995, apre li kale Ayiti 2-0 nan dènye etap match Gwoup D a.
Viktwa sa a vledi Dannmark pral jwe kont Ostrali nan Sydney Lendi kap vini an.
Gòl Dannmark yo sete gras ak penalite ke Pernille Harder make nan 21èm minit la, epi Sanne Troelsgaard nan pwolongasyon.
Jwez Dannmark Janni Thomsen, (mitan) eseye pran balon an nan men Ayisyen Nerlia Mondesir pandan match Gwoup D yo a nan Perth, Ostrali, 1 Out, 2023.
Ayiti ap kite tounwa a san li pa make okenn gòl ni akimile okenn pwen premye fwa li janm kalifye pou Mondyal Foutbòl Feminin nan.
Sepandan, nan premye match li, Ayiti te etone anpil moun akoz fason li te kontre Chanpyon Euwopeyen an, Anglete, ki te make yon sèl gòl kont Grenadyè yo.
Jwez Dannmark selebre viktwa yo kont Ayiti nan Match Gwoup D yo a nan Mondyal Foutbol Feminin nan, nan Perth, Ostrali 1 Out, 2023.
Nou va bawou kont randi match la, opinyon jwèz, antrenè ak fanatik yo, nan Randevou a 4h. (EST)
Enfomasyon pou repotaj sa a soti nan Associated Press