Direksyon Santral Polis Jidisyè mete anba kòd, ayè jedi a, direktè Kès Asistans Sosyal la (CAS an fransè), Elionor Devallon.
Otorite yo ki konfine nouvèl la pako revele rezon ki fè yo fouke chèf CAS la.
Nimewo 1 Kès Asistans Sosyal jwenn arestasyon l nan zòn Ponmoren, nan komin Pòtoprens,
Arestasyon Elionor Devallon rive anviwon 3 semèn apre fòs lòd yo te mete anba kòd ansyen dirèkris SNGRS la, Magalie Habitant pou kòkòday li ak gang.
N ap fè sonje tou, 12 janvye ki sot pase la, DCPJ te met men nan kòlèt ansyen depite Prophane Victor pou menm dosye ki rapò ak asosiyasyon l ak gang.
Pou kounya, Elionor Devallon nan gadavi pou suivi legal yo