WASHINGTON —
Administrasyon Trump la kite tonbe plan li te genyen pou l kanpe lajman sibvansyon federal ak prè ki vo plizyè trilyon dola apre yon jij federal bloke desizyon an pwovizwaman.
Plan an simen panik ak konfizyon toupatou Ozetazini epi ogmante posibilite pou yon konfli konstitisyonèl sou kestyon kiyès ki kontwole lajan enpo sitwayen Ameriken yo nan moman Trump ap chache etann pouvwa egzekitif la.
Administrasyon Repibliken an te di li deside kanpe pwogram sa yo pandan yon ti tan, e ke lwa Etazini ba li dwa pou fè sa.
Sepandan eta Demokrat ap dirije yo ak oganizasyon non-gouvènmantal ki te asiyen administrasyon Trump la di plan an klèman vyole konstitisyon Etazini.