WASHINGTON (AP) — Administrasyon Trump la di li ofri konpansasyon lajan bay tout anplwaye federal ki chwazi kite travay yo apati semèn pwochèn — yon desizyon san parèy pou redui efektif gouvènman ameriken an rapidman.
Yon nòt ki sòti madi nan Biwo Jesyon Pèsonèl leta a, ki se ajans resous zimèn gouvènman an, anonse li pral enpoze sou tout anplwaye federal yo “nòm amelyore pou atitid ak konpòtman ” epi li bay avètisman sou rediksyon pèsonèl ki ka vini ann apre.
Yon imèl ki al jwenn anplwaye yo di moun ki deside kite travay yo volontèman ap resevwa anviwon 8 mwa salè, men yo dwe pran desizyon an anvan 6 fevriye.