Lavèy seremoni envestiti Donald Trump la, l ap patisipe nan yon seri evenman pou selebre retou li sou pouvwa a ak mouvman "Fè Amerik Gran Ankò" li a.
Dimanch make premye jounen konplè retou Trump nan kapital Etazini depi eleksyon Novanm nan. L ap gen chans chofe patizan li yo anvan seremoni ofisyèl ki pral dewoule Lendi.
Sou kalandriye li pou Dimanch, genyen yon vizit nan Simityè Nasyonal Arlinton kote l ap depoze yon jèb flè sou tonbo solda enkoni a. Apre sa li pral pwononse yon diskou devan foul ki rasanble pou yon miting politik anba lavvil.
Trump komanse jounen Dimanch la ak felisitasyon pou akò seselfe ant Izrayèl ak Hamas ki antre an aplikasyon nan Bann Gaza a.
Li fè konnen tou li pral pibliye yon dekrè Lendi pou TikTok ka rekomanse fonksyone. Jodi Dimanch la app la pa disponib pou itilizatè Ozetazini.