Nou te "detekte plizyè misil balistik kout distans ki te tire nan direksyon Lanmè Lès la," Eta-Majò Fòs ame Kore di Sid yo te deklare, pou fè referans ak gwo dlo yo rele tou Lanmè Japon an.
Lame Kore di Sid la te presize lansman an te fèt bò 09:30 nan maten lè lokal (00:30 GMT) epi misil yo te kouvri yon distans 250 kilomèt anvan yo te tonbe nan lanmè.
Yo te ajoute, "Sèvis ransèyman Kore di Sid ak Etazini te deja detekte epi siveye preparasyon Kore di Nò tap fè pou lanse misil yo; yo te swiv yo imedyatman yo te lanse e pandan lansman an".
Prezidan pwovizwa Kore di Sid la, Choi Sang-mok, te kondane lansman yo, li deklare yo vyole rezolisyon Konsèy Sekirite Nasyonzini an : "Seoul ap reponn pi sevèman fas ak pwovokasyon Kore di Nò yo, gras ak gwo pozisyon sekirite li epi alyans li avèk Etazini."