Ministè Edikasyon Nasyonal ak Fòmasyon Pwofesyonèl (MENFP) onore jedi a 18 desanm nan 8Loreya egzamen ofisyèl pou ane akademik 2023-2024 la.
Nan yon seremoni ki dewoule nan otèl Karibe, gouvènman an wete chapo l devan loreya nasyonal yo ane sa, e ba yo plizyè prim ak kado enteresan.
Pa egzanp Fon Nasyonal pou Edikasyon (FNE) bay lorewa yo yon chèk 500 mil goud pou ede yo kontinye etid siperyè yo.
Premye minis ayisyen an, Alix Didier Fils-Aimé, ki te prezan nan seremoni an, salye pakou modèl loreya yo, toutpandan l ankouraje jèn yo suiv chimen ekselans.
Chèf primati a pwofite rekrite Billy Élisée, loreya nasyonal, ki se timoun Senmak, pou entegre inite jenès primati a.
N ap souliye, plizyè gwo chabrak devan gwo chabrak nan gouvèvman an, tankou konseye prezidansyèl Emmanuel Vertilaire, ministè Edikasyon Nasyonal, Augustin Antoine, te asiste seremoni sa.