Anbasadè Kanada nan peyi Dayiti anonse, li remèt Polis nasyonal la 22 nouvo machin nan kad misyon l pou retabli sekirite, yè mèkredi 11 novanm 2024 la.
Nan yon piblikasyon tou kout sou kont X li, @AFGiroux, diplomat la te pataje foto machin yo epi fè konnen machin yo gentan sou wout la.
Bò kote pa li, Lafrans tou te remèt Polis nasyonal la 4 cha blennde, samdi 7 desanm 2024. Daprè yon pòs anbasadè fransè a ann Ayiti, Antoine Michon, fè sou X, don sa a te fèt an prezans minis jistis ak sekirite piblik la, Patrick Pélissier.
Anbasadè a pa t bliye raple angajman peyi l bò kote Ayiti ak tout PNH la nan lit y ap mennen pou kwape gang yo pou lapè ak sekirite ka retounen nan peyi a.