Kontribisyon an te vin piblik apre gwoup Sipè "PAC" Musk genyen ki ap sipòte Trump nan America PAC te depoze rapò yo nan Komisyon Eleksyon Federal.
Avan rapò sa a, done yo te montre Musk te nan pase bay gwoup la apeprè $ 75 milyon sou twa mwa ant Jiyè ak Septanm.
America PAC, ki konsantre sou chèche konvenk votè yo ki nan eta kle kote sondaj yo montre konpetisyon an sere sere pou 2 kandida yo.
Kanpay Trump la lajman depann sou gwoup ki pa fè pati se yo pou ede yo konvenk votè al vote yo, sa ki vle di super PAC sa fonde pa Musk - ki se moun ki pi rich sou planèt la - e li jwe yon gwo wòl nan eleksyon sa a kote Trump ap fas ak kandida Demokrat la Vis Prezidan Kamala Harris.
Separeman, kanpay Trump la te rapòte ke li te depanse plis pase $88 milyon nan reklam nan premye mwatye mwa a, sa ki te kite l 'ak $36 milyon rezèv nan bank la pou dènye rès kanpay la, dapre yon dokiman separe ke yo te bay Komisyon Eleksyon Federal la.
Kanpay Trump te ranmase $16 milyon pandan peryòd la.
Kanpay Harris la, ki te depase kanpay Trump nan kantite lajan yo ranmase nan dènye mwa sa yo, epi rapòte ke yo te depanse plis pase $130 milyon nan anons piblisite yo te fè nan kòmansman mwa oktòb la.
Kanpay Harris te ranmase $97 milyon pandan premye mwatye mwa a e li te gen $119 milyon dola rezèv nan bank, nan dat 16 oktòb la.
Yon lòt super PAC ki trè konsèvatè , Sentinel Action Fund, bay rapò tou ke li te resevwa $2.3 milyon dola nan men Musk.
Don sa ke Musk te bay America PAC pouse l antre nan klèb eksklizif mega donatè Repibliken yo, yon lis ki gen ladan tou Timothy Mellon ak bilyonè kazino Miriam Adelson.
Kòm yon pati nan plan Musk pou sipòte Trump, America PAC la bay $1 milyon pa jou bay yon sitwayen ke yo chwazi owaza ki siyen yon petisyon sou entènèt, men opsyon sa sèlman disponib pou votè ki anrejistre nan eta kle yo.
Depatman Jistis la voye yon lèt bay America PAC pou avèti l ke kado yo ka vyole lwa federal, dapre sa CNN rapòte Mèkredi.
Petisyon sa ki tonbe a fè anpil pale anpil kote ekspè legal yo gen opinyon depaman pou konnen si wi ou non aksyon sa a pa vyole lwa elektoral yo.
Musk te prezante 2 ganyan, youn nan Michigan ak youn nan Wisconsin, nan yon mesaj li pibliye sou platfòm medya sosyal X Jedi nan aswè apre avètisman Depatman Jistis la.
America PAC pa reponn demann Reuters pou fè kòmantè sou lèt la.