Gwoup nèg ak zam simaye katouch sou yon elikoptè Nasyonzini, jedi 24 oktòb 2024 la, daprè sa jounal Miami Herald rapòte.
Selon jounal Floridyen an, elikoptè a tap vole sou zòn Gran Ravin, nan moman bal te fè mikalay w sou aparèy la.
Elikoptè a te gen 15 pasaje ladan l. Pa gen okenn nan yo ki blese.
Elikoptè la te al poze trankilman nan yon zòn nan kapital la pou evakye pasaje yo.
N ap souliye depi 17 oktòb 2024, Pòtoprens cho ak atak gang nan katye Solino.
Lapolis ak misyon miltinasyonal kontinye ap twoke kout zam ak manm gang yo pou repouse yo.