Selon sa laprès Jamayik rapòte, ministè sekirite nasyonal tanmen yon operasyon gason pa kanpe kont plizyè douzèn Ayisyen san papye nan Jamayik.
Jedi ki sot pase la, imigrasyon nan peyi Jamayik pimpe tounen Ayiti 13 gason ak 4 fanm ki te antre Jamayik ilegal.
Dapre sa otorite yo fè konnen, sitwayen ayisyen sa yo te sou teritwa Jamayik la depi anviwon yon lane.
Plizyè ladan yo te nan prizon pandan yon bon ti bout tan. Yo te epapiye nan plizyè zòn, tankou Hanover, Portland, St James ak Freeport.
