M. Blinken, ki t ap vizite Jerizalèm, te ankouraje Premye Minis izrayelyen an Benjamin Netanyahu, pou pran "plis mezi" pou kite asistans imanitè antre Gaza, ki sou kontwòl Izrayèl, "rive jwenn sivil yo.
Madi swa, frap avyon izrayelyen te vize katye nan sid Bewout, ki se yon bastyon mouvman islamis libanè a, kote anpil pati te deja abandone pa abitan yo yon mwa apre kòmansman lagè nan Liban ki te lakòz plis pase 1,500 moun mouri.
Plizyè bombadman te frape katye sa yo nan jounen an, pami yo, youn ki te frape yon bilding 11 etaj ki kraze plat atè, selon sa kèk imaj AFP te montre.
Sekretè Deta a, ki t ap fè onzyèm vwayaj li nan Pwòch Oryan depi kòmansman lagè a nan Gaza, te afime lanmò Yahya Sinouar ofri yon "okazyon enpòtan pou retounen otaj yo lakay yo" e pou "mete fen nan lagè" a nan Gaza, pandan li t ap rankontre nan sware a ak prezidan izrayelyen an, Isaac Herzog.
M. Netanyahu, daprè biwo li, te bay entèlokitè li a garanti lanmò Sinouar "kapab gen yon efè pozitif sou retou otaj yo" ki nan Gaza.
Yahya Sinouar, ki konsidere kòm sèvo atak Hamas te fè sou Izrayèl 7 oktòb 2023, ki te deklanche gè a, te jwenn lanmò l 16 oktòb la nan men sòlda izayelyen yo. Lanmò sa te yon gwo frap pou Hamas, ke Izrayèl pwomèt pou l detwi.