"Apwòch direksyon Hamas la se pa deziye ranplasan pou chèf ki mouri a, mati Yahya Sinouar, anvan pwochen eleksyon mouvman palestinyen an ki pwograme pou mwa mas 'si kondisyon yo pèmèt'," dapre sa yon sous nan Hamas te di AFP.
Yahya Sinouar, ki te nonmen kòm chèf Hamas apre asasina Ismaïl Haniyeh nan Iran nan mwa jiyè, te jwenn lanmò l jedi nan men lame Izrayelyen an, ki te touye l nan sid Gaza, teritwa palestinyen kote lagè ap fè ravaj depi yon lane.
Komite ki gen 5 manm sa a, ki te fòme an Out apre asasina Haniyeh, ap fasilite pran desizyon yo devan difikilte kominikasyon ak Sinouar nan Gaza " ap pran direksyon gwoup la," dapre sous la.
Komite sa a, ki baze nan Doha, gen reprezantan pou Gaza (Khalil al-Haya), Cisjordanie ki anba okipasyon Izrayèl (Zaher Jabareen) ak dyaspora (Khaled Mechaal), ansanm ak Konsèy Konsiltatif Choura Hamas la (Mohammed Darwish) ak sekretè biwo politik la, ki toujou rete anonim pou rezon sekirite, li te ajoute.
Yon lòt sous nan Hamas te fè konnen direksyon gwoup la te diskite sou posiblite pou nonmen yon chèf politik san yo pa anonse non li, yon opsyon ki te rejte.
