Yon moun mouri e plizyè douzèn tonbe malad ak enfeksyon E.coli ki lye ak sandwich Quarter Pounder hamburger McDonald's yo nan 10 eta - pami yo Colorado, kote 26 moun tonbe malad. Se Sant Kontwol Maladi Etazini an ki pibliye enfomasyon an Madi.
Kriz E.coli la ki lye ak youn pami manje ki pi popilè sou menu McDonald's la lakoz 49 moun tonbe malad epi 10 ale lopital pou swen dapre responsab yo.
Tip virus E.coli yo detekte nan moun sa yo ka koze maladi grav e li te sous yon epidemi ki te touye 4 timoun an 1993. Timoun sa yo te manje hamburger ki pat byen kuit nan restoran Jack in the Box.
Aksyon restoran fast food (manje rapid) ki pi gwo nan mond lan te bese 6% sou mache labous la maten an. Yon vandè bèf di epidemi a takapab mete presyon sou elvè bèf Ameriken yo tou epi menase demann pou vyann bèf.
Tout moun yo entèvyouwe nan kad yon ankèt sou epidemi a di yo te manje nan McDonald's anvan yo te tonbe malad. Pi fo nan yo di yo te manje hamburger Quarter Pounder, dapre sa CDC di.