Anons sa a te fèt pa Prezidan William Ruto pandan yon vizit premye minis ayisyen an, Garry Conille te fè nan peyi Kenya apre masak manm gang Gran Grif yo, Omwen 115 moun te jwenn lanmò yo nan yon zòn agrikòl, selon sa yon majistra local tef è konnen. Se te youn nan atak ki pi mòtèl an Ayiti nan dènye ane yo.
Fòs sekirite Kenyan yo an Ayiti reprezante yon pati nan misyon ki sipòte pa Nasyon Zini, Kenya ap dirije a.
Nan yon konferans pou laprès vandredi (11 Oktòb), Conille te fè lwanj repons polis nasyonal la ak ofisye Kenyan yo apre masak la, ansanm ak deplwaman yo an jeneral. "Premye deplwaman kontenjan Kenyan yo an Ayiti te ekstrèmman itil, pratik, pwofesyonèl. Yo te angaje yo prèske imedyatman bò kote fòs polis la."
Omwen 10 peyi te pwomèt pou voye yon fòs sekirite ki totalize 2,900 sòlda, men se sèlman 430 ki deplwaye sou teren an depi misyon an te kòmanse nan mwa Jen. Prèske 400 nan yo soti nan Kenya. Antretan, gang yo ki byen ame, ki kontwole pifò nan kapital Pòtoprens lan, kontinye pran plis tèritwa.
Plis pase 700,000 moun nan Ayiti blije kite kay yo, selon Nasyon Zini. Plis pase 5 milyon - prèske mwatye popilasyon an - ap soufri anba gwo grangou.
Nan Newobi vandredi, Ruto te di misyon an ap amelyore sekirite nan Ayiti. Men, li te mande pou kominote entènasyonal la kenbe ak pwomès yo ak "aksyon nesesè" pou "konplete travay ki devan nou an".